Міжнародны дзень роднай мовы

Настаўнікі і вучні нашай школы актыўна прымалі ўдзел у мерапрыемствах, прымеркаваных да Міжнароднага дня роднай мовы – свята, якое па ініцыятыве ЮНЕСКА адзначаецца ва ўсім свеце.

Панядзелак для навучэнцаў і настаўнікаў школы пачаўся з ужо традыцыйнай акцыі “Гавары са мной па-беларуску”. Старшакласнікі сустракалі ўваходзячых і раздавалі запрашэнні прыняць удзел у свяце. На працягу ўсяго дня былі праведзены самыя разнастайныя мерапрыемствы. Вучні старэйшых класаў праводзілі апытанне “Самае цёплае слова”,  запрашалі на пляцоўку да ўдзелу “Чытаем класікаў анлайн”, а творчыя і неабыякавыя да роднага слова вучні запрашалі прыняць удзел у акцыі “Крылатыя словы”. Атмасфера панавала святочная. Усім было цікава і займальна!